چکدنیال میں ڈاکو لاکھوں روپے مالیت کی دس بکریاں اور چھ قربانی والے بکرے گن پوائنٹ پر چھین کر فرار

پنڈدادنخان(ملک ظہیر اعوان)تھانہ جلالپورشریف کے علاقہ پننوال کے نواحی قصبہ چکدنیال میں مسلہ ڈکیتی کی واردات ، ڈاکو لاکھوں روپے مالیت کی دس بکریاں اور چھ قربانی والے بکرے گن پوائنٹ پر چھین کر فرار ہو گئےاس واردات سے علاقہ بھر میں خوف و ہراس پھیل گیا تفصیلات کے مطابق سہیل اقبال ولد محمد اقبال نٹھر نے اوصاف کو بتایا کہ میں اپنے ڈیرے پر سو رہا تھا کہ تقریبا بارہ بجکر چالیس منٹ پر چار ڈاکو ڈیرہ پر آگئے جن میں سے دو کے پاس اسلحہ تھا اور مجھے آ کر اسلحہ کی نوک پر یرغمال بنالیا جبکہ دو ڈاکوؤں نے لاکھوں روپے مالیت کی 10 بکریاں اور چھ بکرے گاڑی میں ڈال لیے اور فرار ہونے میں کامیاب ہو گئے ،ڈکیتی کی اس واردات سے علاقہ بھرکے کسانوں میں شدید خوف و ہراس پھیل گیا ہے