علماء کرام کا قرآن کریم کے علم وفہم پر آرمی چیف کو خراج تحسین

پشاور(اے بی این نیوز)خیبر پختونخوا کے علماء کرام نے آرمی چیف کے قرآن کے علم و فہم پر اظہار فخر اور خراج تحسین پیش کیا ہے۔آرمی چیف جنرل سید عاصم منیر کی پاکستان بھر کی یونیورسٹیوں سے آئے طلباء کے ساتھ خصوصی نشست میں قرآن و حدیث کی روشنی میں دلیلوں پر علماء کی جانب سے تائید کی گئی۔

رہنما جمعیت علمائے اسلام مولوی احمد شاہ نے کہ کہا کہ آرمی چیف کا علم و فہم قابلِ فخر ہے اور ہم ان کے شانہ بشانہ کھڑے ہیں، آرمی چیف کے بیان سے بہت اطمینان ملا۔ مفتی حکیم علی نے کہا کہ خوارج سے متعلق قرآنی آیت کا حوالہ بالکل درست ہے، مولانا شاہ نواز نے کہا کہ ہم تمام مذہبی فکر رکھنے والے پاک فوج اور اپنے سپہ سالار کے شانہ بشانہ کھڑے ہیں، جنرل عاصم منیر صرف حافظ قرآن ہی نہیں بلکہ ایک باصلاحیت انسان بھی ہیں۔

رکن ڈپٹی جنرل کونسل جمعیت علمائے اسلام قاری افسر خان کا کہنا ہے کہ جنرل سید عاصم منیر کا خوارج سے متعلق قابل فخر ہے، ہم اپنے سپہ سالار اور پاک فوج کے شانہ بشانہ کھڑے ہیں۔نائب محتمم جامعہ عربیہ میراج القران بنوں کے مفتی ڈاکٹر محمد زین العابدین نے کہا کہ سیکیورٹی فورسز کے جوان روز اپنے جانوں کا نظرانہ پیش کر رہے ہیں، نوجوان نسل کو بھی چاہیے کہ وہ پاک فوج کو مکمل طور پر سپورٹ کریں۔

محمد واجد فاروقی نے کہا کہ آرمی چیف صاحب کی تائید کرتے ہیں کہ جو پاکستان کی زمین پر فساد پھیلانا چاہتے ہیں ان کو قتل کر دیا جائے، رہنما جمعیت علماء اسلام محمد اسرار قریشی کا کہنا تھا کہ جنرل عاصم منیر کی بات پر متفق ہیں زمین پر جتنے بھی فسادات پھیلانے والے لوگ ہیں ان پہ اللہ اور اللہ کے رسول کی لعنت ہے۔

حافظ محمد سعید نے کہا کہ چیف آف آرمی کے طلباء سے خطاب پر انہیں خراجِ تحسین پیش کرتا ہوں، مولانا شعیب شاہ نے کہا کہ جنرل سید عاصم منیر نے طلباء کے ساتھ نشست میں جو بیان دیا ہم اس سے مکمل طور پر اتفاق کرتے ہیں۔مفتی محمد حنیف کا کہنا تھا کہ جنرل عاصم منیر کے موقف کی پوری طرح حمایت کرتے ہیں اور دہشت گردی اور ملک کے خلاف بغاوت کو مسترد کرتے ہیں۔
مزید پڑھیں: ژوب اور گردونواح میں زلزلے کے شدید جھٹکے

The post علماء کرام کا قرآن کریم کے علم وفہم پر آرمی چیف کو خراج تحسین appeared first on ABN News.