پنڈ دادن خان جہلم روڈ پر دھریالہ جالپ کے نواحی گاؤں چک حمید کے قریب دو موٹر سائیکل آپس میں ٹکرا گئے

پنڈدادن خان( بیوروچیف ملک ظہیر اعوان) پنڈ دادن خان جہلم روڈ پر دھریالہ جالپ کے نواحی گاؤں چک حمید کے قریب دو موٹر سائیکل آپس میں ٹکرا گئے، جس سے دو افراد زخمی ہو گئے حادثہ تیز رفتاری اور غفلت کے باعث پیش آیا۔ زخمیوں کو تحصیل ہیڈ کوارٹر اسپتال پنڈ دادن خان منتقل کر دیا گیا
اس حادثے کے نتیجے میں محمد نعیم ولد محمد علی عمر تقریبا 35 سال سکنہ پننوال، اور محمد ناصر ولد محمد شبیر عمر تقریبا 18 سال سکنہ ڈھنگوال زخمی ہو گئے۔
ریسکیو 1122 پنڈدادن خان سٹاف نے بروقت رسپانس کرتے ہوئے زخمی افراد کو ابتدائی طبی امداد دینے کے بعد تحصیل ہیڈ کوارٹر ہسپتال پنڈدادن خان شفٹ کر دیا۔