بین الاقوامی خبر رساں ادارے کی رپورٹ کے مطابق غزہ پراسرائیلی جارحیت کے بعد تشدد کی لہر میں اضافہ سامنے آرہا ہے، عراق میں دو امریکی فوجی اڈوں عین الاسد اور حریر بیس پر بھی ڈرون حملے کیے گئے ہیں۔
لبنان کی مزاحمتی تنظیم حزب اللہ کی جانب سے چار گھنٹوں میں اسرائیل کے تین علاقوں پر بھی حملوں میں جانی نقصان پہنچانے کا دعویٰ کیا گیا۔
لبنانی میڈیا کا اس حوالے سے کہنا ہے کہ حزب اللہ نے اسرائیل کے ٹینکوں اور جاسوسی کے آلات پر حملے کیے جس سے اسرائیلی فوج کو بھاری جانی اور مالی نقصان کا سامنا کرنا پڑا ہے۔
حزب اللہ نے لبنان کے سرحدی علاقے پر اسرائیلی فوج کے گلیلی ڈویژن کو نشانہ بنانے کی ویڈیو بھی جاری کی، جس میں حزب اللہ نے اسرائیلی فوج کو گائیڈڈ میزائلوں سے نشانہ بنایا تھا۔
? Hizbullah, sınır hattında İsrail askerlerini tanksavar ile vurdu.
— Conflict (@ConflictTR) October 18, 2023
دوسری جانب یورپی یونین کی سربراہ ارسولا وان ڈیر لیین نے کہا ہے کہ غزہ کے ہسپتال پر ہونے والے حملے کے بارے میں مکمل حقائق کو فوری طور پر سامنے لایا جائے۔
یورپی کمیشن کی صدر نے یورپی یونین کے قانون سازوں کو بتایا کہ اس حوالے سے کسی کو بھی حیلے بہانے بنانے کی ضرورت نہیں ہے بلکہ حقائق کو جلد ازجلد بغیر کسی سستی کے سامنے لانے کی ضرورت ہے۔
