حکومت کا اسلام آباد ایئرپورٹ 15سال کیلئے آؤٹ سورس کرنے کا فیصلہ، ٹینڈر جاری

حکومت نے اسلام آباد ایئرپورٹ کو 15 سال کیلئے آؤٹ سورس کرنے کا فیصلہ کرلیا، جس کے بعد سول ایوی ایشن کی جانب سے آؤٹ سورسنگ کیلئجے بین الاقوامی ٹینڈر جاری کردیا گیا۔

سول ایوی ایشن اتھارٹی نے خواہشمند کمپنیوں کو 8 نومبر تک درخواستیں جمع کرانے کی ہدایت کی ہے۔

ٹینڈر کے مطابق درخواست کے ساتھ کمپنیوں کو 5 ہزار ڈالر (ناقابل واپسی) کی رقم جمع کرانا لازمی ہوگی۔

حکام کا کہنا ہے کہ ایئرپورٹس آؤٹ سورس کرنے سے ملک میں زرمبادلہ آنے کے ساتھ ساتھ ان ہوائی اڈوں پر بین الاقوامی معیار کی سہولیات بھی مسافروں کو میسر آئیں گی۔