میکسیکو میں ہیٹ ویو سے 100 زائد افراد ہلاک

غیر ملکی خبر رساں ادارے کے مطابق ہیٹ اسٹروک اور جسم میں پانی کی کمی اموات کی وجہ بنی۔ وزارت صحت کے مطابق سب سے زیادہ 64 اموات میکسیکو کی ریاست نیوای ولیون میں ہوئی۔

میکسیکو کے وزارت صحت کا کہنا ہے کہ ریاست سونورا میں رواں ہفتے درجہ حرارت 49 ڈگری سینٹی گریڈ ریکارڈ کیا گیا۔

حکام نے کہا ہے کہ رواں موسمِ گرما میں میکسیکو بھر میں اوسط درجۂ حرارت 30 سے 45 ڈگری رہا۔ میکسیکن وزارتِ صحت کا یہ بھی کہنا ہے کہ یکم جولائی سے ایک اور ہیٹ ویو کا امکان ہے۔