تہران(اے بی این نیوز)روسی راکٹ نے ایک ایرانی مواصلاتی سیٹلائٹ کو خلا میں بھیج دیا، جو ایران کے خلائی پروگرام کی تازہ ترین کامیابی ہے، یہ ایک ایسا پروگرام ہے جو طویل عرصے سے مغربی حکومتوں کے لیے تشویش کا باعث رہا ہے۔
فرانسیسی خبر رساں ادارے ’اے ایف پی‘ کی رپورٹ کے مطابق ایران کے سرکاری ٹیلی ویژن نے کہا کہ ناہید-2 مواصلاتی سیٹلائٹ کو روس کے ووسٹوچنی کاسمودروم سے ایک سويوز راکٹ کے ذریعے لانچ کیا گیا۔
ٹی وی چینل نے مزید بتایا کہ یہ سیٹلائٹ، جس کا وزن 110 کلوگرام ہے، ایرانی انجینئرز نے ڈیزائن اور تیار کیا۔مغربی حکومتیں طویل عرصے سے اس بات پر تشویش کا اظہار کرتی آرہی ہیں کہ ایران کے خلائی پروگرام میں ہونے والی تکنیکی ترقی اس کے بیلسٹک میزائلوں کو اپ گریڈ کرنے کے لیے بھی استعمال کی جا سکتی ہے۔
یہ لانچ ایسے وقت میں سامنے آیا ہے جب ایران اور برطانیہ، فرانس اور جرمنی کے درمیان جوہری مذاکرات استنبول میں شروع ہوئے ہیں۔دسمبر میں، ایران نے اعلان کیا تھا کہ اس نے اب تک کا سب سے بھاری پے لوڈ خلا میں بھیجا ہے، جو ایک مقامی طور پر تیار کردہ سیٹلائٹ کیریئر کے ذریعے لانچ کیا گیا تھا۔
مزید پڑھیں: پاکستان کا بھارت میں منعقدہ کسی بھی اسپورٹس مقابلے میں شرکت نہ کرنیکا فیصلہ
The post روسی راکٹ نے ایرانی انجینئرز کے تیار کردہ مواصلاتی سیٹلائٹ کو خلا میں بھیج دیا appeared first on ABN News.
