پی ٹی آئی کو5 اگست احتجاج پر اجازت نہ ملنے کا امکان،پلان بی سامنے آگیا

لاہور(اے بی این نیوز)لاہور میں 5 اگست کو احتجاج کی اجازت نہ ملنے کی صورت میں پی ٹی آئی کا پلان بی سامنے لے آیا۔تفصیلات کے مطابق بڑے احتجاج یا جلسے کی اجازت نہ ملنے پر حلقوں میں احتجاج کی منصوبہ بندی کی جا رہی ہے۔

ذرائع پی ٹی آئی کے مطابق تحریک انصاف پانچ اگست کو پنجاب کے ہر حلقے میں احتجاج کرے گی اور تمام حلقوں میں احتجاج کی فوٹیج قیادت کو بھیجی جائے گی جبکہ 5 اگست کے بعد بڑے شہروں میں احتجاج کی کال دی جائے گی۔

احتجاجی تحریک کے حوالے سے ڈویژنل تنظیم اور ٹکٹ ہولڈرز کو ہدایت جاری کر دی گئیں جبکہ 5 اگست سے قبل یوسی سطح پر تنظیم سازی مکمل کرکے قیادت کو رپورٹ کی ہدایت بھی کر دی گئی۔ذرائع کے مطابق احتجاج نہ کرنے والے عہدداروں کے خلاف باقاعدہ کارروائی کی جائے گی، پنجاب حکومت کی جانب سے مینار پاکستان پر جلسے کی اجازت دیے جانے کا امکان نہیں۔
مزید پڑھیں: سیلابی ریلے میں بہنے والی نجی ٹی وی چینل کی اینکر کا پرس مل گیا

The post پی ٹی آئی کو5 اگست احتجاج پر اجازت نہ ملنے کا امکان،پلان بی سامنے آگیا appeared first on ABN News.