جہلم ضلع بھر کے درجنوں اخبار فروش لاک ڈاءون کی وجہ سے بیروزگار ہو گئے

جہلم(چوہدری عابد محمود +اسماعیل افتخار)جہلم ضلع بھر کے درجنوں اخبار فروش لاک ڈاءون کی وجہ سے بیروزگار ہو گئے ۔ جہلم اخبار فروش یونین کے جنرل سیکرٹری محمد یعقوب بٹ نے کہا ہے کہ لاک ڈاءون نے اخبار فروشوں کے گھروں کے چولہے بجھا دیئے ہیں ۔ انہوں نے کہا کہ تمام اخباری رپورٹرز کی محبت و اخلاص اپنی جگہ لیکن اگر اخبار فروشوں کا پہیہ رک چکا ہے جس سے اخباری صنعت بھی تباہی کے دہانے پر پہنچ چکی ہے ۔ انہوں نے وزیراعظم پاکستان‘ وزیر اطلاعات‘ اخبارات کے مالکان اور تمام ایڈیٹرز صاحبان سے مطالبہ کیا ہے کہ مشکل کی اس گھڑی میں اخبار فروشوں کی مدد کے لئے مالکان سمیت حکومت ریلیف پیکج کا اعلان کرے ، انہوں نے وزیر اعظم پاکستان عمران خان سے یہ بھی مطالبہ کیا ہے کہ صحافیوں کے ساتھ ساتھ اخبار فروشوں کیلئے بھی خصوصی پیکیج کا اعلان کیاجائے ۔