پاکستان نے پہلے میچ میں افغانستان کو جیت کے لیے 202 رنز کا ہدف دیا تھا اور ہدف کا تعاقب کرنے والی افغان ٹیم کے ابتدائی 2 کھلاڑی 4 رنز پر ہی پویلین لوٹ چکے تھے۔
میچ کے چوتھے اوور کے دوران افغان ٹیم کے بائیں ہاتھ کے بلے باز حشمت اللہ نے نسیم شاہ کی گیند پر شاٹ کھیلنے کی کوشش کی لیکن اسکوائر لیگ پر کھڑے شاداب خان نے حیران کن کیچ پکڑ کر افغان بلے باز کو پویلین کی راہ دکھا دی۔
Superman Shadab Khan’s stunning catch ⭐#AFGvPAK | #CricketTwitterpic.twitter.com/1aJCOJh4Nw
— Grassroots Cricket (@grassrootscric) August 22, 2023
شاداب خان نے چھلانگ لگا کر کیچ پکڑنے کی کوشش کی تو ایک لمحے کے لیے ہاتھ سے گیند سے چھوٹ گئی لیکن شاداب خان نے گیند کو ہوا میں ہی دوبارہ پکڑ لیا۔
آل راؤنڈر کے اس کیچ کو کمنٹیٹر نے بھی زبردست کیچ قرار دیا اور فیلڈںگ کی تعریف بھی کی۔
واضح رہے کہ گزشتہ روز ہمبنٹوٹا میں کھیلے گئے پہلے ون ڈے میں پاکستان نے افغانستان کو 142 رنز سے شکست دی تھی۔ قومی ٹیم نے 202 رنز کا ہدف دیا تھا لیکن جواب میں افغان ٹیم 59 رنز پر پویلین لوٹ گئی تھی۔
