نگران حکومت نے پٹرولیم منصوعات کی قیمتوں میں بڑا اضافہ کردیا۔ پیٹرول کی قیمت میں 17 روپے 50 پیسےاورہائی اسپیڈ ڈیزل کی قیمت میں 20روپے فی لیٹر اضافہ کر دیا گیا۔
وزارت خزانہ کی جانب سے جاری نوٹیفکیشن کے مطابق پیٹرول کی قیمت میں 17 روپے 50 پیسے فی لیٹر اضافہ کیا گیا ہے ، جس کے بعد پٹرول کی نئ قیمت 290 روپے 45 پیسے ہوگئی۔
نوٹفیکیشن کے مطابق ہائی اسپیڈ ڈیزل کی قیمت میں 20روپے فی لیٹر اضافہ کیا گیا ہے ، جس کے بعد ڈیزل کی نئی قیمت 293 روپے 40 پیسے ہوگئی۔ اس کےعلاوہ لائٹ ڈیزل اورمٹی کے تیل کی قیمتوں کو برقراررکھا گیا ہے۔
وزارت خزانہ کی جانب سے کہا گیا ہے کہ عالمی سطح پر قیمتوں میں اضافے کے باعث مقامی سطح پر پیٹرولیم مصنوعات کی قیمتوں میں اضافہ کرنا پڑا۔
خیال رہے کہ پٹرولیم مصنوعات کی قیمتوں میں ردوبدل کا اطلاق آج رات 12 بجے سے آئندہ پندرہ روزکیلئے کیا گیا ہے۔
