اسلام آباد(نیوز ڈیسک ) حکومت نے موسم سرما اور بہار میں اضافی بجلی استعمال کرنے کے لیے سرمائی پیکج پلان تیار کرلیا۔میڈیا رپورٹس کے مطابق موسم سرما میں اضافی بجلی کے استعمال کے لیے بنائے گئے ونٹر پیکج کو جنوری میں شروع کرنے کی تجویز دی گئی ہے۔
یہ بھی بتایا گیا ہے کہ حکومت نے بجلی کی طلب 8 ہزار سے بڑھا کر 15 ہزار میگاواٹ کرنے کا منصوبہ بنایا ہے، جب کہ زائد بجلی استعمال کرنے والے صارفین کو 12 روپے فی یونٹ ریلیف دینے کی تجویز دی گئی ہے۔
حکام نے مزید کہا کہ اس اقدام سے صلاحیت کی ادائیگی کے چارجز کا بوجھ کم ہو جائے گا اور ہزاروں بند فیکٹریاں ہر قسم کے صارفین کی اضافی بجلی کی کھپت سے چل سکیں گی۔رپورٹس میں بتایا گیا کہ اس حوالے سے قانونی معاملات کو حتمی شکل دے دی گئی ہے جبکہ آل پاکستان ٹیکسٹائل ملز ایسوسی ایشن (APTMA) اور فیڈریشن آف پاکستان چیمبرز آف کامرس اینڈ انڈسٹری (FPCCI) سمیت چیمبرز سے مشاورت بھی مکمل کر لی گئی ہے۔
مزید پڑھیں: بیرون ملک جانے والوں کا پاسپورٹ کے اجرا ء میں تاخیر کا معاملہ حل
The post سردیوں میں ضرورت سے زیادہ بجلی استعمال کرنے والوں کے لیےریلیف پیکج تیار appeared first on ABN News.
