امریکی صدر کی سرکاری رہائش گاہ وائٹ ہاؤس سے کوکین برآمد ہونے پر امریکی صدر جوبائیڈن نے اس حوالے سے کیے جانے والے سوالات پر کوئی جواب نہ دیا۔
امریکی صدر کی سرکاری رہائش گاہ وائٹ ہاؤس سے کوکین برآمد ہوئی ہے، وائٹ ہاؤس میں کوکین کون استعمال کرتا رہا یا چھوڑ گیا، اسی حوالے سے معلومات کے لیے تحقیقات شروع کردی گئی ہیں۔
ویسٹ ونگ میں کوکین برآمد ہونے کے موقع پر صدربائیڈن اور اسکینڈلز کا شکار ان کا بیٹا ہنٹر بائیڈن کیمپ ڈیوڈ میں تھے اور کوکین برآمد ہونے پر وائٹ ہاؤس خالی کرالیا گیا۔
وائٹ ہاؤس کمپلیکس کے ساؤتھ کورٹ آڈیٹوریم میں خاتون اول کی موجودگی میں صدربائیڈن نے اورلینڈو کانفرنس سے ورچوئل خطاب کیا مگر وائٹ ہاؤس میں کوکین کی موجودگی سے متعلق سوال کا جواب دینے سے گریز کیا۔
امریکا کے یوم آزادی کے موقع پر کیے گئے اس خطاب میں صدر بائیڈن نےامریکی اسکولوں میں گن وائلنس کی مذمت کی اور کہا کہ اساتذہ کو مسلح کرنا مسئلے کا حل نہیں۔
