محکمہ زکوٰۃ بند کرنے کا اعلان

کوئٹہ ( اے بی این نیوز )وزیر اعلیٰ بلوچستان سرفراز بگٹی نے صوبے میں محکمہ زکوٰۃ کو ختم کرنے کا اعلان کر دیا

وزیر اعلیٰ بلوچستان سرفراز بگٹی نے صوبے میں محکمہ زکوٰۃ کو ختم کرنے کا فیصلہ کیا ہے۔ ان کا کہنا تھا کہ یہ محکمہ ہر سال 30 کروڑ روپے مستحقین میں تقسیم کرتا ہے، لیکن اس رقم کی تقسیم کے لیے حکومت کو 1 ارب 60 کروڑ روپے خرچ کرنا پڑتے ہیں۔

سرفراز بگٹی نے مزید انکشاف کیا کہ محکمہ زکوٰۃ کے پاس 80 گاڑیاں موجود ہیں، اور گزشتہ دو سالوں سے مستحقین کو زکوٰۃ کی رقم فراہم نہیں کی گئی۔

انہوں نے یہ بھی بتایا کہ آئندہ 30 کروڑ روپے ڈپٹی کمشنرز کے ذریعے براہِ راست غریبوں میں تقسیم کیے جائیں گے، تاکہ اخراجات کم کیے جا سکیں اور امداد کو مؤثر طریقے سے مستحقین تک پہنچایا جا سکے۔

The post محکمہ زکوٰۃ بند کرنے کا اعلان appeared first on ABN News.