کراچی( اے بی این نیوز ) نیوزی لینڈ کے خلاف پاکستان کی پہلی وکٹ 8رنز پر گر گئی۔ سعود شکیل6رنز بنا کر آؤٹ ہو گیا۔ آئی سی سی چیمپئنز ٹرافی کے افتتاحی میچ میں نیوزی لینڈ نے پاکستان کو جیت کے لیے 321 رنز کا بڑا ہدف دیا ہے۔ قبل ازیں کراچی کے نیشنل بینک اسٹیڈیم میں کھیلے جارہے میچ میں نیوزی لینڈ نے مقررہ 50 اوورز میں 5 وکٹوں کے نقصان پر 320 رنز بنائے۔
میچ میں نیوزی لینڈ کا آغاز اچھا نہ رہا اور 73 رنز پر تین کھلاڑی پویلین لوٹ گئے، ڈیون کونوے اور ڈیرل مچل 10، 10 جبکہ کین ولیمسن ایک رن بنانے کے بعد اپنی وکٹ گنوا بیٹھے۔ول ینگ اور ٹام لیتھم نے چوتھی وکٹ کے لیے 118 رنز کی شراکت قائم کی جس کے بعد ول ینگ 107 رنز کی شاندار اننگز کھیلنے کے بعد آؤٹ ہوئے۔
ول ینگ کے آؤٹ ہونے کے بعد ٹام لیتھم اور گلین فلپس نے بھی 125 رنز کی طویل شراکت قائم کی۔ گلین فلپس 49.4 اوورز میں 61 رنز بنانے کے بعد آؤٹ ہوئے۔پاکستان کی جانب سے حارث رؤف اور نسیم شاہ نے دو دو جبکہ ابرار احمد نے ایک وکٹ حاصل کی۔
قومی ٹیم کے کپتان محمد رضوان نے ٹاس جیت کر پہلے فیلڈنگ کا فیصلہ کیا۔ انہوں نے کہا کہ وہ مہمان ٹیم کے خلاف بہتر کھیل پیش کرنے کی کوشش کریں گے اور ٹورنامنٹ کا آغاز جیت کے ساتھ کریں گے۔اس موقع پر نیوزی لینڈ کے کپتان مچل سینٹنر کا کہنا تھا کہ وہ میچ جیتنے کے لیے پر امید ہیں اور کوشش کریں گے کہ میزبان پاکستان کے خلاف بڑا ہدف دے کر دباؤ میں ڈالیں۔
مزید پڑھیں :طلبااور خصوصی افراد کیلئے گرین بس کا کارڈ مفت ، الیکٹرک بسوں کا کرایہ صرف 20روپے ہو گا،مریم نواز
The post چیمپئنز ٹرافی،نیوزی لینڈ کے خلاف پاکستان کی پہلی وکٹ 8رنز پر گر گئی appeared first on ABN News.
