ایل پی جی سلنڈر ایجنسیوں کی بھر مار،عوام مہنگے داموں سلنڈر خریدنے پر مجبور

سوہاوہ (سید علی) تحصیل بھر میں ایل پی جی سلنڈر ایجنسیوں کی بھر مار، عوام مہنگے داموں کم وزنی اور غیر معیاری سلنڈر خریدنے پر مجبور، کوئی پوچھنے والا نہیں، تحصیل انتظامیہ سمیت پرائس کنٹرول کرنے والے ادارے بڑھتی ہوئی مہنگائی کے خلاف مکمل طور پر ناکام ہو چکے،
یاد رہےکہ گزشتہ چند برس پہلے بھی غیر معیاری سلنڈروں کے باعث خوفناک حادثہ پیش آیا تھا آگ لگنے کے باعث پانچ سو میڑ تک سلنڈر میزائل کی مانند اڑتے ہوئے جا لگے تھے تاہم کسی قسم کا جانی نقصان نہیں ہوا تھا،
میڈیا سے گفتگو کرتے ہوئے سماجی حلقوں کا کہنا تھا کہ تحصیل انتظامیہ سمیت پرائس کنٹرول کرنےوالے اداروں نے مال بناؤ ڈنگ ٹپاو کی روایت کو زور شور سے برقرار رکھے ہوئے ہیں، وزیر اعلیٰ پنجاب عثمان بزدار اور وزیراعظم عمران خان سے اپیل کرتے ہوئے کہا کہ خدارا ہمارے حال پر رحم فرمائیں ایسی تبدیلی نہیں چاہیے جس میں جیتے جی مر جائیں.