پنڈ دادنخان (بیورو چیف ملک ظہیر اعوان)پاکستان براڈکاسٹنگ فاؤنڈیشن انٹرنیشنل کالج اسلام آباد میں سارہ محسن نئی پرنسپل مقرر ،سارہ محسن کی بطور پرنسپل تقرری پر وائس پرنسپل لالہ رخ،جونئیر سیکشن کے ہیڈ عبد الخالق،سنئیر ٹیچر ملک رزاق احمد ،ڈسپلن انچارج آکاش علی مغل اور سماجی حلقوں کی جانب سے مبارکباد پیش کی گئی ،پی بی بی ایف انٹرنیشنل کالج اسلام آباد کے ٹیچنگ اسٹاف کی جانب سے پرنسپل سارہ محسن کو اسلام آباد کلب میں ویلکم پارٹی جبکہ سنئیر ٹیچر فوزیہ اسلم اور سنئیر ٹیچر تحسین علی کو الوادعی پارٹی دی گئی ،پی بی ایف انٹرنیشنل کالج اسلام کے ٹیچنگ اسٹاف سے گفتگو کرتے ہوئے پرنسپل کا کہنا تھاکہ میری کوشش ہوگی کہ ہم سب متحد ہوکر اور ایک ٹیم بن کر اپنے ادارےکو مخلصانہ انداز کے ساتھ چلائیں ،جو طلباء وطالبات پڑھائی میں کمزور ہونگے انہیں چھٹی کے بعد اضافی وقت میں بھی پڑھایا جائے گا تاکہ وہ طلباء وطالبات بھی امتحانات میں اچھے گریڈز لیکر اپنے والدین ،اپنے کالج اور ملک کا نام روشن کر سکے۔آخر میں سارہ محسن نے پی بی ایف کے ٹیچنگ اسٹاف کا شکریہ ادا کیا اور کہا کہ آپ سب کی محبتوں کا شکریہ آپ سب نے میرے اعزاز میں ویلکم پارٹی کا اہتمام کیا۔
0
