اخلاص انٹرنیشنل سکول پننوال کیمپس میں محفل میلاد مصطفی صلی اللہ علیہ والہ وسلم کے موقع پر اسوہ رسول صلی اللہ علیہ وسلم سےمتعلق کوئز مقابلہ منعقد

پنڈدادنخان(ملک ظہیر اعوان) اخلاص انٹرنیشنل سکول پننوال کیمپس میں محفل میلاد مصطفی صلی اللہ علیہ والہ وسلم کے موقع پر اسوہ رسول صلی اللہ علیہ وسلم سےمتعلق کوئز مقابلہ بھی منعقد ہوا۔جس میں طلبا و طالبات نے بڑے جوش و جذبہ سے حصہ لیا اس موقع پر اخلاص سکول کے پرنسپل شاہد محمود نےکہا کہ حضور صلی اللہ علیہ وسلم کی سیرت پر چلنے سے ہی انسان دونوں جہاں میں کامیاب ہو سکتا ہے ۔ اور انہوں نے تقریب میں شرکت کرنے والے تمام معزز مہمانوں کا دل کی اتھاہ گہرائیوں سے شکریہ ادا کیا جب کہ ڈائریکٹر سکول علامہ مفتی بشیر احمد کرم نے تقریب سے خطاب کرتے ہوئے کہا کہ سیرت النبی صلی اللہ علیہ وسلم پر عمل پیرا ہو کر ہم تمام مسائل سے نجات حاصل کر سکتے ہیں،آپ صلی اللہ علیہ وسلم کی حیات طیبہ ہمارے لئے روشنی کا مینار ہے اورزندگی کے کسی بھی مسئلے پر آپ کی حیات طیبہ سے رہنمائی حاصل کر کے ھم سرخر ہو سکتے ہیں۔تقریب کے اختتام پر علامہ مفتی بشیر احمد کرم نے خصوصی دعا کی