پنڈدادنخان (ملک ظہیر اعوان) ہم خالی نعروں کی نہیں عملی سیاست کے قائل ہیں علاقائی مسائل سے بخوبی آگاہ ہیں انشاءاللہ موقع ملنے پر عوامی مشکلات کو حل کرانے میں اپنا کلیدی کردار ادا کریں گے ان خیالات کا اظہار حلقہ پی پی 26 پنڈدادنخان سے امیدواران براۓ صوبائی اسمبلی کرنل (ر ) سید زاہد حسین شیرازی اور چوھدری ناصر جاوید وڑائچ نے گذشتہ روز پنڈدادنخان کی معروف کاروباری شخصیت حافظ ڈھوڈا ہاؤس کے روح رواں حافظ عبدالقیوم کی صاحبزادی اور معروف سائنس ٹیچر احسان الحق کے بیٹے محمد ثوبان احسان کی شادی میں شرکت کے موقع پر پنڈ دادن خان میں صحافیوں سے گفتگو کرتے ہوئے کیا انھوں نے ایک سوال جواب پر کہا کہ انشاءاللہ 21 اکتوبر 2023 کو پاکستان مسلم لیگ ن کے سربراہ ہمارے محبوب قائد کاپاکستان پہنچنے پر فقید المثال استقبال کریں گے جس سلسلے میں اپنی تحصیل کے کونے کونے سے عوام سے بھری گاڑیوں کا بہت بڑا قافلہ لے کر لاہور مینار پاکستان پہنچیں گے
0
