5 فروری یوم یکجہتی کشمیر پر عام تعطیل، نوٹیفکیشن جاری

جہلم(چوہدری عابد محمود +رانا نویدالحسن) 5 فروری یوم یکجہتی کشمیر پر عام تعطیل، نوٹیفکیشن جاری، پنجاب حکومت نے 5 فروری کو عام تعطیل کا اعلان کرتے ہوئے باضابطہ نوٹیفکیشن جاری کر دیا، جس کے مطابق پنجاب کے تمام تعلیمی ادارے، سرکاری دفاتر مکمل طور پر بند رہیں گے، شہر میں کشمیریوں سے اظہار یکجہتی کے لئے ریلیاں نکالی جائیں گی، سیمینارز منعقد ہونگے۔ہر سال کی طرح اس سال بھی جہلم سمیت ملک بھر میں کشمیری عوام سے اظہار یکجہتی کے لئے صبح سائرن بجا کر ایک منٹ کے لئے خاموشی اختیار کی جائے گی، اس کے علاوہ ضلع جہلم کے تمام چھوٹے بڑے شہروں میں ریلیوں، مذاکروں اور کانفرنسسز کا اہتمام کیا جائے گا جس میں مسئلہ کشمیر کی اہمیت اور کشمیریوں کے حق خود ارادیت کی غرض و غایت اور بھارتی قابض فوج کے نہتے عوام پر ظلم و ستم پر روشنی ڈالی جائے گی۔شہر کے گلی محلوں سمیت مضافاتی علاقوں میں سے نکلنے والے جلوس شاندار چوک پہنچے گے جہاں مقررین خطاب کریں گے۔