موٹروے پولیس افسران نے جہلم،سوہارہ، مندرہ کے روڈ سیفٹی سٹالز کا تفصیلی معائنہ کیا

جہلم(چوہدری عابد محمود +رضوان سیٹھی) ڈی آئی جی این 5 نارتھ وصال فخر سلطان راجہ کا دورہ سیکٹر نارتھ 2 جہلم، ڈی آئی جی این 5 نارتھ وصال فخر سلطان راجہ نے نارتھ 2 سیکٹر جہلم کا دورہ کیا، انہوں نے جہلم،سوہارہ، مندرہ کے روڈ سیفٹی سٹالز کا تفصیلی معائنہ کیااور کلین ہائی وے کمپئین مہم کا جائزہ لیا، اس موقع پر ڈی آئی جی وصال فخر سلطان راجہ نے سیکٹر دفتر جہلم میں افسران و ملازمین سے خطاب کرتے ہوئے کہا کہ عو ام کی بے لوث خدمت ہی موٹر وے پولیس کا طرہ امتیاز ہے اور مسافروں کی بروقت امداد اور ایمانداری سے کام کرنا موٹر وے پولیس کی اقدار میں شامل ہے، انہوں نے ہائی وے پر ٹریفک کے آزادانہ بہاؤ اور مسافروں کی جان و مال کی حفاظت کے ساتھ ساتھ قیمتی انسانی جانوں کو بچانے کے اقدامات کے حوالے سے ہدایات جاری کیں۔