پنڈدادنخان(ملک ظہیر اعوان)
پنڈدادن خان کے قصبہ ہرن پور میں بینظیر انکم سپورٹ پروگرام کے تحت رقم کے حصول کو آنے والی خاتون کے ہاں بچے کی پیدائش ہو گئی ، خاتون نے بچے کو راستے میں ہی جنم دے دیا ۔
پنڈدادن خان کے علاقہ کھیوڑہ کی رہائشی خاتون ہرن پور میں موجود بینظیر انکم سپورٹ پروگرام سنٹر پر رقم وصول کرنے جا رہی تھی کہ ہرن پور میں موجود سنٹر کے قریب پہنچتے ہی خاتون کی طبیعت بگڑ گئی جس پر اہل علاقہ نے ریسکیو 1122 پنڈ دادن خان کو کال کی جس پر فوراً ریسپانس کرتے ہوئے ریسکیو ٹیم موقع پر پہنچ گئی اور خاتون کے ہاں بچے کی پیدائش ہوگئی ریسکیو 1122کے اہلکاروں نے زچہ بچہ کو تحصیل ہیڈکوارٹر ہسپتال پنڈدادن خان شفٹ کر دیا جہاں پر دونوں ماں بیٹا رو بصحت ہیں
0
