جلالپورشریف اور گردونواح کے دیہاتوں کی عوام کیلئے ایک بینک ہونے کی وجہ سے مشکلات کا شکار

پنڈدادنخان( ملک ظہیرا عوان)
جلالپورشریف اور گردونواح کے دیہاتوں کی عوام ایک بینک ہونے کی وجہ سے مشکلات کا شکار ۔ تفصیلات کے مطابق تحصیل پنڈدادنخان کے نواحی قصبہ جلالپورشریف اور گردونواح کے دیہاتوں میں رہنے والے لوگ ایک نیشنل بینک آف پاکستان کی وجہ سے مشکلات کا شکار ہیں ۔ ایک بینک ہونے کی وجہ سے زیادہ رش لگ جاتا ہے جس سے سائلین کو کئی گھنٹے شدید دشواری کا سامنا کرنا پڑتا ہے ۔ سائلین کا میڈیا نمائندگان سے گفتگو کرتے ہوئے کہنا تھا کہ علاقہ جلالپورشریف میں صرف ایک بینک ہونے کی وجہ سے شدید دشواری کا سامنا کرنا پڑھ رہا ہے ۔ سائلین کا مزید کہنا تھا کہ جلالپورشریف کے ایریا میں ایک بینک ہے اگر بینک کی تعداد کو مزید بڑھایا جائے تو سائلین کی مشکلات میں واضح کمی آئے گی اور بہتر سہولیات فراہم ہوں گی ۔ اعلیٰ حکام سے اپیل ہے کہ جلالپورشریف میں بینک کی تعداد کو بڑھایا جائے تاکہ جلالپورشریف اور گردونواح کے دیہاتوں کی عوام کو بہترین سہولیات مہیا ہو سکیں ۔