ضلع بھر میں پلاسٹک شاپنگ بیگ کی فروخت میں اضافہ

جہلم(چوہدری عابد محمود +مرزاکفیل بیگ کیفی)جہلم کورونا کے باعث شہر سمیت ضلع بھر میں پلاسٹک شاپنگ بیگ کی فروخت میں اضافہ ہو گیا ، پلاسٹک شاپنگ بیگ کی دکانیں پوری آب و تاب کے ساتھ دوبارہ کھل گئیں ، شہر سمیت مضافاتی علاقوں میں پلاسٹک شاپنگ بیگ کے استعمال اور فروخت پر ڈپٹی کمشنر جہلم نے پابندی عائد کر رکھی ہے تاہم تاجروں نے اس پابندی کو ہوا میں اڑاتے ہوئے اشیاء خوردونوش شاپر بیگ میں فروخت کرنا معمول بنا لیا ہے ۔ کورونا وائرس سے قبل ضلعی حکومت نے ماحولیاتی آلودگی کو ختم کرنے کے لئے پلاسٹک شاپنگ بیگ کی خرید وفروخت پر پابندی عائد کرنے کے احکامات جاری کئے تھے تاہم کورونا وائرس کا فائدہ اٹھاتے ہو ئے اندرو ن شہر کے بازاروں سمیت مضافاتی علاقوں میhttps://jhelumnews.com/wp-admin/edit.phpں پلاسٹک کے شاپر فروخت کرنے و الے تاجروں نے بھی اپنے کاروباری مراکز کھول دیئے ہیں اور پلاسٹک شاپنگ بیگ کی خرید و فروخت شروع کر دی ہے ، نئے پلاسٹک شاپنگ بیگز کو ایس اور پیز کے تحت فروخت کرنے کی ہدایت بھی کی گئی تھی تاہم دکانداروں نے پرانے شاپنگ بیگز کی فروخت دوبارہ سے شروع کر رکھی ہے ، اور ایس او پیز کے تحت فروخت نہیں کر رہے ، جس سے ماحولیاتی آلودگی میں ایک بار پھر غیر معمولی اضافہ ہونے کے امکانا ت پیدا ہوگئے ہیں ۔