چیرمین پی ٹی آئی اپنی گاڑی سے اتر کر جج ہمایوں دلاور کی عدالت جارہے تھے، جب کسی نے ان کے اوپر پانی کی بوتل پھینک دی تاہم وہ بوتل لگنے سے بچ گئے۔
عمران خان توشہ خانہ فوجداری کیس میں حاضری کیلئے اسلام آباد کے گی ڈسٹرکٹ اینڈ سیشن کورٹ کی نئی عمارت میں پیش ہوئے جو حال ہی میں ایف 8 سے یہاں منتقل کی گئی تھی۔
چیئرمین عمران خان کی اسلام آباد کہچری میں پیش کے دوران سیکورٹی کے ناقص انتظامات- کسی نے ان پر پانی کی بوتل پھینک دی ،تاہم وہ بوتل چیرمین پی ٹی آئی کو نہ لگ سکی، چیرمین پی ٹی آئی اپنی گاڑی سے نکل کر جج ہمایوں دلاور کی عدالت میں پیش ہو رہے تھے۔ pic.twitter.com/bSmLDhzRwy
— PTI (@PTIofficial) July 24, 2023
عمران خان سیکیورٹی اہلکاروں کے حصار میں بلٹ پروف شیٹس سے گھرے کچہری میں داخل ہو رہے تھے کہ ایک پانی کی بوتل اوپر سے ان کے اوپر گری، تاہم وہ شیٹس کی وجہ سے محفوظ رہے۔
یہ بھی پڑھیں: وکیل عبدالرزاق شر قتل کیس میں چیئرمین پی ٹی آئی کو آئندہ سماعت تک گرفتار نہ کرنے کا حکم
اس سے کچھ دیر قبل ہی خاتون جج دھمکی کیس میں عمران خان کے وکیل نے سیکیورٹی خدشات کا اظہار کیا تھا۔
اس واقعے کے بعد جج ہمایوں دلاور کی عدالت کے باہر صحافیوں کو بھی اندر جانے سے روک دیا گیا۔
