نگراں وزیراعلیٰ پنجاب محسن نقوی کا کہنا ہے کہ جیل میں قید خواتین کے ساتھ کسی طرح کا ناروا سلوک نہیں کیا گیا۔ خواتین سے ناروا سلوک کے الزامات پراپیگنڈہ ہے، جیل میں قید خواتین سے بدسلوکی کا سوچ بھی نہیں سکتے۔
لاہور میں میڈیا سے گفتگو کرتے ہوئے محسن نقوی نے کہا کہ تھیلیسیمیا کے خلاف کام کرنے والوں سے بات چیت کریں گے، بہتر حکمت عملی سے تھیلیسیمیا پر قابو پایا جاسکتا ہے۔
نگراں وزیراعلیٰ پنجاب نے مزید کہا کہ اس وقت جیل میں 11 خواتین قید ہیں، ہم بھی ماں بہنوں والے ہیں، بدسلوکی کا سوچ بھی نہیں سکتے، قید خواتین سے کسی طرح کا ناروا سلوک نہیں کیا گیا۔
انہوں نے کہا کہ الزامات کے حوالے سے آئی جی پنجاب وضاحت کرچکے ہیں۔
