اسلام آباد ( اے بی این نیوز )اسلام آباد ہائیکورٹ میں 3 ٹرانسفر ججز کا معاملہ مزید الجھنے لگا ۔ جسٹس بابر ستار نے بھی چیف جسٹس عامر فاروق کو 6 صفحات کا خط لکھ دیا ۔ جسٹس بابر ستار کا ٹرانسفر ججز کی سنیارٹی لسٹ جاری کرنے پر تحفظات کا اظہار
خط میں چیف جسٹس عامر فاروق کے ہائیکورٹ ایڈمنسٹریشن کمیٹی تبدیلی کو بھی غیر قانونی کہہ دیا ۔ سنیارٹی لسٹ اور ایڈمنسٹریشن کمیٹی کے نوٹیفکیشن واپس لئے جائیں۔ جسٹس بابر ستار نے سنیارٹی لسٹ کے خلاف ریپریزنٹیشن فائل کرنے کا ذکر کیا
سنیرٹی لسٹ اور ایڈمنسٹریشن کمیٹی کا نوٹیفکیشن جاری کرنا غیر آئینی غیر قانونی ہے۔ بغیر اسلام آباد ہائیکورٹ جج کے حلف اٹھائے ٹرانسفر ججز کو کمیٹی میں رکھنا غیر قانونی ہے۔ ٹرانسفر نوٹیفکیشن میں کہیں نہیں لکھا ٹرانسفر عارضی ہے یا مستقل ہے۔
آرٹیکل 194 کے تحت ہمارے معزز ساتھی ججز نے اپنی اپنی ہائیکورٹس کا حلف اٹھا رکھا ہے۔ حلف میں تینوں ججز نے کہہ رکھا ہے وہ اپنی اپنی ہائیکورٹس میں بطور جج اپنی ذمہ داریاں نبائیں گے۔
اسلام آباد ہائیکورٹ ٹرانسفر کے بعد تینوں ججز نے حلف نہیں اٹھایا جو اٹھانا ضروری تھا۔
حلف کے بغیر وہ اسلام آباد ہائیکورٹ میں اپنی ڈیوٹی شروع نہیں کر سکتے تھے۔ ان کو حلف کے بغیر جوڈیشل اور انتظامی کام کے لحاظ سے اسلام آباد ہائیکورٹ کا جج نہیں کہا جا سکتا۔ تینوں ججز آرٹیکل 194 کی خلاف ورزی میں بغیر حلف 3فروری سے جوڈیشل کام شروع کر چکے ہیں۔
آرٹیکل 194 کے تحت بطور چیف جسٹس آپ کی ذمہ داری تھی کہ آپ تینوں ججز سے حلف لیتے۔ بغیر حلف ججز سے جوڈیشل اور انتظامی کام لینا ان کیلئے بعد میں شرمندگی کا باعث بن سکتا ہے۔
اسلام آباد ہائیکورٹ ایڈمنسٹریشن کمیٹی کا نوٹیفکیشن اسلام آباد جوڈیشل سروس رولز 2011 کی خلاف ورزی ہے۔
اسلام آباد جوڈیشل سروس رولز کے مطابق ایڈمنسٹریشن کمیٹی چیف جسٹس اور دو ججز پر مشتمل ہو گی۔ اس لحاظ سے 9 ویں نمبر کے جج جسٹس خالد سومرو کو کمیٹی میں شامل نہیں کر سکتے تھے۔ بے تکے طریقے سے ایڈمنسٹریشن کمیٹی کی دوبارہ تشکیل کی گئی۔
ایڈمنسٹریشن کمیٹی میں سندھ اور لاہور ہائیکورٹ کے دو ججز کو شامل کر لیا گیا ،جن کا اسلام آباد ہائیکورٹ کا انتظامی کوئی تجربہ نہیں۔ 3دن پہلے ان کی ٹرانسفر کا نوٹیفکیشن جاری ہوا ساتھ ہی کمیٹی میں شامل کر لیا گیا۔ آپ اتفاق کریں گے ججز بھی صوابدیدی اختیارات استعمال کے اتنے ہی پابند ہیں جتنا ہم ایگزیکٹو کو کہتے ہیں۔
مزید پڑھیں :آئی سی سی مینز چیمپئنز ٹرافی 2025 کے لیے قومی ٹیم کی آفیشل جرسی کا اعلان کردیا گیا،جانئے کیسی ہے
The post اسلام آباد ہائیکورٹ میں 3 ٹرانسفر ججز کا معاملہ مزید الجھ گیا،جسٹس بابر ستار نے بھی چیف جسٹس کو خط لکھ دیا appeared first on ABN News.
