اسلام آباد ( اے بی این نیوز ) پی ٹی آئی نے 8 فروری کو مینار پاکستان جلسے کیلئے لاہور ہائیکورٹ سے رجوع کر لیا ۔ چیف آرگنائزر پنجاب پی ٹی آئی عالیہ حمزہ نے لاہور ہائیکورٹ میں درخواست دائر کی۔ موقف اختیار کیا گیا کہ
8 فروری کو مینار پاکستان میں جلسے کی اجازت کیلئے ڈی سی لاہور کو درخواست دی۔ 29 جنوری کو درخواست دائر کی گئی مگر تاحال ڈی سی آفس میں کوئی بھی شنوائی نہیں ہوئی۔ پی ٹی آئی جب بھی جلسے کی اجازت مانگتی ہے تو امن و امان کا مسئلہ بنا لیا جاتا ہے۔
عالیہ حمزہ کودرخواست واپس لینے کیلئے دھمکیاں دی جا رہی ہیں۔ استدعا کی گئی کہ ڈپٹی کمشنر لاہور سمیت دیگر کو ہدایت کی جائے کہ 8 فروری کو مینار پاکستان پر جلسے کی اجازت دیں۔
پی ٹی آئی کے بے گناہ کارکنان کو ہراساں کرنے اور اغوا کرنے سے روکا جائے۔
8 فروری مینارپاکستان جلسہ کی اجازت کے لیے درخواست سماعت کےلیے منظور۔ جسٹس لاہورہائیکورٹ فاروق حیدر کل صبح 9بجے سماعت کریں گے۔ درخواست عالیہ حمزہ ملک اور علی اعجاز بٹر کی جانب سے لاہور ہائیکورٹ میں دائر کی گئی۔
مزید پڑھیں :دیکھتے ہیں خط کا آرمی چیف کی طرف سے کیا جواب آتا ہے،وزیراعلیٰ کے پی علی امین گنڈا پور
The post 8 فروری کو مینار پاکستان پر جلسہ،پی ٹی آئی کا لاہور ہائیکورٹ سے رجوع ، درخواست کل سماعت کےلیے منظور appeared first on ABN News.
