ڈونلڈ لو نے آج سائفر کی کہانی کو جھوٹ قرار دے دیا،عطاءتارڑ

اسلام آباد(نیوزڈیسک)وفاقی وزیر اطلاعات و نشریات عطا تارڑ نے کہا ہے کہ سابق چیئرمین پی ٹی آئی نے قوم سے جھوٹ بولا تھا۔

پریس کانفرنس کے دوران عطا تارڑ نے کہا کہ ڈونلڈ لو نے آج سائفر کی کہانی کو جھوٹ قرار دے دیا ہے۔

انہوں نے کہا کہ بانی پی ٹی آئی نے پوری قوم سے جھوٹ بول کر امریکا سے تعلقات خراب کرنے کی کوشش کی۔

مزیدپڑھیں:دہشت گردوں اور ان کے سہولت کاروں کو پیشگی ایکشن سے ختم کرینگے،محسن نقوی

وفاقی وزیر اطلاعات نے مزید کہا کہ سابق چیئرمین پی ٹی آئی نے قوم سے جھوٹ بولا،اُن کے قول و فعل میں تضاد ہے۔

اُن کا کہنا تھا کہ ڈونلڈ لو نے پاکستان میں الیکشن کا مشاہدہ کرنے والے 5 ہزار آزاد مبصرین کا ذکر کیا۔ الیکشن پر جو بھی تحفظات ہوں اس کےلیے الیکشن کمیشن موجود ہے،پی ٹی آئی کارکنوں نے کانگرس کمیٹی میں بھی واویلا کیا۔