اسلام آباد(نیوزڈیسک)صحافیوں نےراوی اربن ڈیولپمنٹ اتھارٹی لاہور( RUDA )کی جانب سے پلاٹوں کی غیر منصفانہ تقسیم پر احتجاج کیا جبکہ پاکستان فیڈرل یونین آف جرنلسٹس (پی ایف یو جے) نے قانونی کارروائی کا عندیہ دے دیا۔
راوی اربن ڈیولپمنٹ اتھارٹی (RUDA) کی جانب سے پلاٹوں کی مبینہ غیر منصفانہ تقسیم کے خلاف پاکستان بھر کے صحافی احتجاج کر رہے ہیں۔
پاکستان فیڈرل یونین آف جرنلسٹس (PFUJ) نے اس عمل کی مذمت کرتے ہوئے، خاص طور پر سرکاری اداروں میں صحافیوں کے حقوق کے لیے لڑنے کے عزم کا اظہارکیا ہے۔
مزیدپڑھیں:سی پی این ای کی صحافیوں کو پلاٹوں کی متنازع الاٹمنٹ کی مذمت
پی ایف یو جے نے مبینہ بے ضابطگیوں کے ذمہ داروں کے خلاف قانونی کارروائی کرنے کابھی عندیہ دیا ہے۔
تنازعہ RUDA کے پلاٹ کی الاٹمنٹ میں شفافیت اور انصاف کے فقدان کے خدشات سے پیدا ہوا ۔
بہت سے صحافیوں کا خیال ہے کہ قرعہ اندازی کے نظام میں دھاندلی کی گئی تھی، مستحق صحافیوں کی بجائے RUDA کے اہلکاروں سے ذاتی روابط رکھنے والے افراد کی حمایت کوترجیح دی گئی۔
