پنڈ دادن خان ( بیورو چیف ملک ظہیر اعوان )گورنمنٹ ہائی سکول پنڈ دادن خان میں شاندار STEM نمائش تخلیقی صلاحیتوں کا عملی مظاہرہ ، گورنمنٹ ہائی سکول پنڈ دادن خان میں ڈپٹی ڈی ای او ایلیمنٹری عدیل عباس ملک کی زیر نگرانی STEM نمائش کا انعقاد کیا گیا، جہاں ایلمنٹری سطح کے بوائز سکولز کے ہونہار طلبہ نے سائنس، ٹیکنالوجی، انجینئرنگ اور ریاضی سے متعلق منفرد اور تخلیقی پراجیکٹس پیش کیے۔ڈی ای او سیکنڈری جہلم محمد شہزاد نے خصوصی شرکت کرتے ہوئے طلبہ کی مہارتوں کو سراہا، جبکہ ہیڈ ماسٹر نزر حسین فاروقی، اے ای او محمد مبشر اور دیگر معزز اساتذہ نے بھی طلبہ کی حوصلہ افزائی کی۔ اس موقع پر ڈی ای او نے عدیل عباس ملک کی شاندار تعلیمی کاوشوں اور گورنمنٹ ہائی سکول کی بہترین تعلیمی و انتظامی کارکردگی پر ہیڈ ماسٹر نذر حسین فاروقی کو خراجِ تحسین پیش کیا۔یہ نمائش طلبہ کی تخلیقی صلاحیتوں کو جِلا بخشنے، سائنسی شعور اجاگر کرنے اور جدید تحقیق کی حوصلہ افزائی کا بہترین ذریعہ ثابت ہوئی، جو تعلیم کے روشن مستقبل کی جانب ایک اہم قدم ہے
0
