جہلم شہر اور مضافاتی علاقوں میں قد آور قاتل ہولڈنگ بورڈز کی بھرمار

جہلم(چوہدری عابد محمود +عبدالغفارآذاد)جہلم شہر اور مضافاتی علاقوں میں قد آور قاتل ہولڈنگ بورڈز کی بھرمار، اندرون شہر کی سڑکوں، پلازوں، دکانوں، مارکیٹوں کی چھتوں پر غیر قانونی طور پر بغیر منظوری کے انتظامیہ نے درجنوں ہورڈنگ بورڈز نصب کروا دیئے جو کسی بھی وقت کسی بڑے حادثے کا سبب بن سکتے ہیں ہولڈنگ بورڈ نصب کر نے کا طریقہ کار بھی غیر معیاری ہے ان غیر قانونی ہولڈنگ بورڈز کو لگانے میں بھی مروجہ قانون کی دھجیاں اڑا دی گئیں جبکہ سڑک کے اطراف لگائے گئے بورڈز ٹریفک حادثات کو دعوت دیتے نظر آتے ہیں، جہازی سائز والے ہولڈنگ بورڈز اہم سڑکوں چوک چوہراہوں سے چند فٹ کے فاصلے پر نصب کروا دیئے گئے ہیں،جو کسی بھی وقت آندھی یا طوفان آنے سے جانی و مالی نقصان کا باعث بن سکتے ہیں شہریوں نے نگران وزیراعلیٰ پنجاب، کمشنر راولپنڈی،ڈپٹی کمشنر سے مطالبہ کیا ہے کہ شہر کی سڑکوں، عمارتوں پر نصب ہولڈنگ بورڈز کو فوری ویران سڑکوں پر منتقل کرانے کے احکامات جاری کیے جائیں تاکہ شہر میں کسی قسم کا کوئی ناخوشگوار واقع پیش نہ آسکے۔