کیپ ٹائون(نیوز ڈیسک )جنوبی افریقہ کے اہم فاسٹ باؤلر اینرک نورکیا انجری کے باعث پاکستان کے خلاف ٹی 20 سیریز سے باہر ہوگئے۔پاکستان کے خلاف دوسرے ٹی 20 میچ سے قبل جنوبی افریقین ٹیم کو بڑا دھچکا لگا اور ٹیم کے اہم باؤلر اینرک نورکیا سیریز سے آؤٹ ہوگئے ہیں۔
رپورٹس کے مطابق جنوبی افریقی باؤلر کو بائیں پیر کے انگوٹھے میں فریکچر کے باعث آرام کا مشورہ دیا گیا ہے اور سیریز کے باقی میچز میں شرکت نہیں کرینگے۔نورکیا کے اسکینز میں فریکچر کی تصدیق ہوئی ہے جس کے بعد مزید علاج کے لیے اسپیشلسٹ سے رجوع کریں گے۔
دوسری جانب ڈایان گلیم کو نورکیا کے متبادل کے طور پر ٹیم میں شامل کر لیا گیا ہے اور وہ پاکستان کے خلاف باقی دو ٹی ٹوئنٹی میچز کھیلیں گے۔یاد رہے کہ پاکستان اور جنوبی افریقہ کے درمیان دوسرا ٹی ٹوئنٹی سینچورین میں 13 دسمبر کو کھیلا جائے گا۔
مزیدپڑھیں: عمران خان اور بشریٰ بی بی پر توشہ خانہ ٹو کیس میں فرد جرم عائد
The post جنوبی افریقہ کے اہم فاسٹ بائولر ایزک نور کیا ٹی 20 سیریز سے باہر appeared first on ABN News.
