پی ٹی آئی کی جانب سے ایکس (ٹوئٹر) پر جاری بیان میں کہا گیا ہے کہ تحریک انصاف فلسطین میں جاری اسرائیلی جارحیت اور غاصبانہ قبضے کے خلاف کل بروز جمعہ ملک گیر احتجاج کرے گی۔
بیان میں کہا ہے کہ اسلام آباد، لاہور، کراچی، شہروں میں پشاور، کوئٹہ، مظفرآباد اور گلگت سمیت ملک کے تمام بڑے شہروں میں پرامن مظاہروں کا انعقاد کیا جائے گا، احتجاج کا انعقاد کل بعد از نماز جمعہ تمام بڑے شہروں میں پریس کلبس کے باہر کیا جائے گا۔
پاکستان تحریک انصاف کی جانب سے مظلوم اہلِ فلسطین سے بھرپور اظہارِیکجہتی کے لیے کل بروز جمعہ ملک گیر پرامن مظاہروں کے انعقاد کا اعلان
تحریک انصاف فلسطین میں جاری اسرائیلی جارحیت اور غاصبانہ قبضے کیخلاف کل بروز جمعہ ملک گیر احتجاج کرے گی
اسلام آباد، لاہور، کراچی، شہروں میں…
— PTI (@PTIofficial) October 12, 2023
پی ٹی آئی کی جانب سے جاری بیان میں کہا گیا ہے کہ اسلام آباد پریس کلب میں شام 3 بجے جبکہ پشاور پریس کلب کے باہر شام 4 بجے پر امن مظاہرہ کیا جائے گا، پی ٹی آئی گلگت بلتستان میں بھی بعد از نماز جمعہ گھڑی باغ کے مقام پر احتجاج کرے گی۔
