عالمی خبر رساں ادارے کے مطابق یہ واقعہ بدھ کی رات کو چین کے شمال مغربی علاقے میں پیش آیا جس سے متعلق تصدیق کی گئی ہےکہ ریسٹورینٹ میں ہونے والا دھماکا گیس کا ہے جس میں 31 افراد ہلاک ہوئے ہیں۔
انتظامیہ کا بتانا ہےکہ ریسٹوریٹ میں دھماکا ایل پی جی گیس کا ہوا جس سے ریسٹورینٹ کے شیشے ٹوٹ گئے، دھماکے کے بعد جھلسنے اور شیشوں کے ٹکڑے لگنے سے بھی 7 افراد زخمی ہوئے جنہیں طبی امداد دی جارہی ہے۔
میڈیا رپورٹس کے مطابق یہ باربی کیو ریسٹورینٹ معروف علاقے ین چوان میں واقع ہے جس میں دھماکا اس وقت ہوا جب ریسٹورینٹ میں کھانے کے لیے لوگوں کا رش ہوتا ہے، دھماکے میں مرنے والوں میں کچھ اسکول کے طلبہ سمیت سینئر سٹیزنز بھی شامل ہیں۔
چین کے صدر نے واقعے کا نوٹس لیتے ہوئے زخمیوں کے علاج کے لیے ہر ممکن سہولت کی فراہمی کی ہدایت کی ہے اور حفاظتی انتظامات کو بھی سخت کرنے کا حکم دیا ہے۔
