توشہ خانہ کیس میں چیئرمین پی ٹی آئی کو سزا سنانے والے ایڈیشنل سیشن جج ہمایوں دلاور جوڈیشل ٹریننگ کے لیے انگلینڈ میں موجود ہیں۔
جج ہمایوں دلاور جوڈیشل ٹریننگ میں شرکت کے لیے لندن میں ہیں جہاں وہ 5 سے 13 اگست تک ٹریننگ میں شامل ہوں گے۔ برطانیہ کی یونیورسٹی آف ہل میں ہیومن رائٹس اور رول آف لاء پر جوڈیشل ٹریننگ جاری ہے۔ تاہم ہل یونیورسٹی میں ہیومن رائٹس کانفرنس کے دوران پی ٹی آئی کے کارکنوں نے یونیورسٹی کے باہر احتجاجی مظاہرہ کیا۔ مظاہرے میں پی ٹی آئی کے حامیوں نے چیئرمین پی ٹی آئی کے حق میں نعرےلگائے۔
جج ہمایوں دلاور کی ٹریننگ کا معاملہ۔۔۔ برٹش پاکستانیوں کا یونیورسٹی آف ہل کے باہر احتجاج#HamayunDilawar pic.twitter.com/zDwQZv6hZW
— Siasat.pk (@siasatpk) August 8, 2023
رپورٹس کے مطابق صدرپی ٹی آئی یوکے عمران خلیل نے کانفرنس میں اسلام آباد کے ایڈیشنل سیشن جج ہمایوں دلاور کی شرکت روکنے کی پٹیشن جمع کر ادی۔ یونیورسٹی آف ہل کا کہنا ہے کہ تربیت کے لیے ججز کا انتخاب ان کے متعلقہ ہائی کورٹس کرتے ہیں، ججوں کے انتخاب میں یونیورسٹی کا کوئی کردار نہیں ہے۔
واضح رہے کہ گزشتہ دنوں اسلام آباد کی ڈسٹرکٹ اینڈ سیشن عدالت کے جج ہمایوں دلاور نے توشہ خانہ کیس کی سماعت کی۔
عدالت نے توشہ خانہ کیس میں چیئرمین پی ٹی آئی کو تین سال قید کی سزا سنائی جس کے بعد چیئرمین پی ٹی آئی کو لاہور سے گرفتار کیا گیا۔
