وزیر خارجہ بلاول بھٹو زرداری کا کہنا ہے کہ ڈپلومیٹک سروس کے اصول و ضوابط پر پوری طرح عملدآمد ضروری ہے، دنیا کے ساتھ اچھے تعلقات کے لیے اہم فیصلے ضروری ہیں۔
وزیر خارجہ بلاول بھٹو زرادری نے وزارت خارجہ کے افسران سے خطاب کرتے ہوئے کہا ہے کہ کسی بھی گلوبل چیلنج سے نمٹنے کیلئے ہمیں تیار رہنا ہوگا، دنیا بھر میں موجود پاکستانی مشنز ملک کیلئے اہم کردار ادا کررہے ہیں۔
وزیر خارجہ کا کہنا ہے کہ کوپ27 کانفرنس میں لاس اینڈ ڈیمج فنڈ کے قیام کیلئے وزارت خارجہ کا کردار قابل قدر رہا ایف اے ٹی ایف کی گرے لسٹ سے نکلنے کیلئے وزارت خارجہ نے اہم کردار ادا کیا، وزارت خارجہ کا بیرون ملک مقیم پاکستانیوں کی بہتری اور سیکیورٹی میں بھی اہم کردار ہے۔
انہوں نے کہا کہ وزارت خارجہ کے افسران ہمارا قیمتی اثاثہ ہیں، ٹیم ورک سے کسی بھی چیلنج سے نمٹا جاسکتا ہے،ڈپلومیٹک سروس میں شامل ہونیوالے نئے افسران کو زبان کی تربیت حاصل کرنا چاہیے، جدید ٹیکنالوجی کی مدد سے تیزی سے ترقی کرتی دنیا کے ساتھ ہمیں شامل ہونا ہے۔
